Ավինյանն անդրադարձել է անձրևներից հետո Երևանում առաջացող հեղեղումների հարցին

Երևանի քաղաքապետ Տիգրան Ավինյանը անդրադարձավ մայրաքաղաքում կլիմայական փոփոխությունների հետևանքով առաջացող խնդիրներին՝ ընդգծելով, որ անձրևների քանակը շարունակական աճ է գրանցում։ 

«Երևանի քաղաքապետարանը կլիմայական փոփոխությունների դեմ իր լիազորությունների շրջանակում մեծ գործիքակազմ չունի։ Անձրևների քանակը Երևան քաղաքում ավելանում է և գնալով էլ ավելի շատանալու է, ինչը պայմանավորված է ամբողջ աշխարհում ընթացող կլիմայական փոփոխություններով»,- «Արմենպրես»-ի հաղորդմամբ՝ ճեպազրույցի ժամանակ նշեց Ավինյանը՝ արձագանքելով լրագրողի հարցին այն մասին, թե ինչո՞ւ է յուրաքանչյուր անձրևից հետո մայրաքաղաքում առաջանում հեղեղումների խնդիր։