Երբ հասարակությունները լռում են չարի դիմաց, այն բազմապատկվում է. հույն նախարարը՝ Հայոց ցեղասպանության 110-րդ տարելիցին
1 րոպեի ընթերցում
Հունաստանի աշխատանքի և սոցիալական ապահովության նախարար Դոմնա Միխալիդուն «Ֆեյսբուք»-ի իր էջում հայտարարություն է զետեղել Հայոց ցեղասպանության 110-րդ տարելիցի կապակցությամբ՝ նշելով. «Այս օրը հիշեցում է, որ երբ հասարակությունները լռում են չարի դիմաց, այն բազմապատկվում է։
«Արմենպրես»-ի հաղորդմամբ՝ հայտարարության մեջ նշվում է. «1915 թվականի ապրիլի 24։
110 տարի Հայոց ցեղասպանությունից անց։
110 տարի անց ոչ միայն պատմական մի իրադարձությունից, այլ մարդկության սրտում բաց վերքից։ Այս օրը հիշեցում է, որ երբ հասարակությունները լռում են չարի դիմաց, այն բազմապատկվում է։
Խորը հուզմունքով և հարգանքով մենք հարգում ենք Օսմանյան կայսրության ժամանակ անմարդկայնորեն ոչնչացված 1.500.000 անմեղ հայերի հիշատակը։
Մենք պարտավոր ենք դիմակայել ատելության, ազգայնամոլության և անմարդկայնության ցանկացած դրսևորման և կենդանի պահել պատմական հիշողությունը, որպեսզի թույլ չտանք նման հանցագործությունների կրկնությունը ապագայում»։