Արման Եղոյանը Ջերսիում կմասնակցի ՖԽՎ Եվրոպայի տարածաշրջանի պատվիրակությունների ղեկավարների համաժողովին

Հայաստանի ազգային ժողովի եվրոպական ինտեգրման հարցերի մշտական հանձնաժողովի նախագահ,  Ֆրանկոֆոնիայի խորհրդարանական վեհաժողովում Ազգային ժողովի պատվիրակության ղեկավար Արման Եղոյանը կգործուղվի Ջերսի (Մեծ Բրիտանիայի եւ Հյուսիսային Իռլանդիայի Միացյալ Թագավորություն):

«Արմենպրես»-ն այս մասին տեղեկացավ ԱԺ նախագահի կարգադրությունից:

Պատգամավորը Ջերսի կգործուղվի 2025 թվականի մայիսի 17-21-ը՝ մասնակցելու Ֆրանկոֆոնիայի խորհրդարանական վեհաժողովի (ՖԽՎ) Եվրոպայի տարածաշրջանի պատվիրակությունների ղեկավարների համաժողովի աշխատանքներին: