Գանձակ բնակավայրում հետիոտնային կամուրջ է վերանորոգվել

Գեղարքունիքի մարզի Գավառ համայնքի Գանձակ բնակավայրում հետիոտնային կամուրջ է վերանորոգվել։

Ինչպես «Արմենպրես»-ին տեղեկացրին Գավառի համայնքապետարանի աշխատակազմից, վերանորոգումն իրականացվել է համայնքի 2025 թվականի բյուջեի միջոցներով։ Այս նպատակով հատկացվել է 2 միլիոն 377 հազար դրամ։

Կամրջի վերանորոգումը կրճատել է Գանձակի մանկապարտեզ և թիվ  2 միջնակարգ դպրոց տանող ճանապարհները։ Շինարարական աշխատանքներն արդեն ավարտվել են։