Հայաստանի ԱԺ ՔՊ խմբակցության ղեկավարն ու Կիպրոսի դեսպանը քննարկել են առաջիկա ծրագրերը
1 րոպեի ընթերցում
ՀՀ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանն Ազգային ժողովում ընդունել է Հայաստանում Կիպրոսի դեսպան Միքայել Մավրոսին:
Որպես Հայաստան-Կիպրոս միջխորհրդարանական հանձնաժողովի նախագահ` Հայկ Կոնջորյանը բարձր է գնահատել երկու երկրների միջեւ միջխորհրդարանական համագործակցությունը:
«Արմենպրես»-ի փոխանցմամբ՝ ՀՀ Ազգային ժողովի տարածած հաղորդագրության մեջ նշվում է, որ քննարկվել են առաջիկա ծրագրերի եւ գործակցության հեռանկարները:
Դեսպանը կարեւորել է Հայաստանի եւ Կիպրոսի միջեւ առկա բազմաշերտ ու խորը համագործակցության մակարդակը եւ այն զարգացնելու պատրաստակամություն հայտնել: