Չինաստանը Թրամփին մեղադրել «բուլինգի գործելակերպի» կիրառման մեջ՝ 104% մաքսատուրքերի պատճառով
2 րոպեի ընթերցում
Չինաստանի ժողովուրդը չպետք է զրկվի «զարգանալու իր օրինական իրավունքից» երկրի ապրանքների նկատմամբ սահմանված մաքսատուրքերի պատճառով։ «Արմենպրես»-ի փոխանցմամբ՝ այս մասին հաղորդում է BBC-ն՝ վկայակոչելով Չինաստանի արտաքին գործերի նախարարության խոսնակին։
Արձագանքելով ԱՄՆ-ի կողմից 104% մաքսատուրքերի՝ ուժի մեջ մտնելուն, գերատեսչության խոսնակ Լին Ցզյանն ԱՄՆ-ին մեղադրել է «բուլինգի գործելակերպ» կիրառելու մեջ և ԱՄՆ նախագահ Դոնալդ Թրամփի վարչակազմին կոչ արել «ցուցաբերել հավասարության, փոխադարձ հարգանքի և փոխադարձության վերաբերմունք»՝ ստեղծված տարաձայնությունները երկխոսության միջոցով լուծելու համար։
Ըստ պաշտոնյայի՝ եթե Թրամփը պնդում է, որ առևտրային պատերազմ հրահրվի, ապա «Չինաստանը ստիպված կլինի պայքարել մինչև վերջ»։
Ապրիլի 9-ին ԱՄՆ-ի 60 խոշորագույն առևտրային գործընկերների համար ուժի մեջ են մտել Թրամփի սահմանած բարձր մաքսատուրքերը։
Չինական ապրանքների համար սահմանվել են 104% մաքսատուրքեր։ Տուրքերի թիվը կրկնապատկվել է նախագահ Թրամփի կողմից այն բանից հետո, երբ Պեկինը հրաժարվել է հետ կանգնել պատասխան միջոցներ ձեռնարկելու իր սպառնալիքներից։