Նախորդ տարի զինվորական ծառայությունից խուսափելու հոդվածով հետախուզվել է 10910 մեղադրյալ. Դատախազություն
1 րոպեի ընթերցում
2024 թվականին ՀՀ քրեական օրենսգրքի 461-րդ հոդվածով (զինվորական ծառայությունից կամ զորակոչից խուսափելը) հետախուզվել է 10 910 մեղադրյալ, որոնցից 561-ը հայտնաբերվել են։
«Արմենպրես»-ի հաղորդմամբ՝ այս մասին նշված է ՀՀ գլխավոր դատախազության 2024 թվականի գործունեության հաղորդման մեջ։
Համեմատության համար՝ 2023 թվականին նույն հոդվածով հետախուզվել էր 11 492 մեղադրյալ, հայտնաբերվել էին 398-ը։
Այսպիսով՝ հետախուզվողների թիվը 2024 թվականին նվազել է 582-ով,սակայն հայտնաբերման քանակական ցուցանիշը աճել է 163-ով, տոկոսային հարաբերակցությամբ՝ հայտնաբերման ցուցանիշն աճել է 41 տոկոսով։