Թմրամիջոցների ապօրինի շրջանառության դեպքերը նվազել են, սակայն աճել է բարձր վտանգավորությամբ թմրանյութերի քանակը

3 րոպեի ընթերցում

Հայաստանում թմրամիջոցների, հոգեմետ նյութերի և դրանց պրեկուրսորների ապօրինի շրջանառության հետ կապված հանցագործությունների թիվը նվազել է 28.2 տոկոսով։

«Արմենպրես»-ի հաղորդմամբ՝ այս մասին նշված է ՀՀ գլխավոր դատախազության 2024 թվականի գործունեության հաղորդման մեջ։

Մասնավորապես՝ 2024 թվականին արձանագրվել է 3639 դեպք, մինչդեռ 2023-ին՝ 5070։

Թմրամիջոցների իրացման նպատակով ապօրինի շրջանառության դեպքերն այս տարի կազմել են 1910՝ նախորդ տարվա 2802-ի դիմաց, ինչը նվազում է 31.8 տոկոսով։

Չնայած ընդհանուր թվի նվազմանը` գործերի բացահայտման ցուցանիշներն իջել են։ Ընդհանուր դեպքերի բացահայտումը կազմել է 14.8 տոկոս՝ նախորդ տարվա 15.6 տոկոսի փոխարեն, իսկ իրացման նպատակով դեպքերինը՝ 8.3 տոկոս՝ 2023-ի 8.8 տոկոսի դիմաց։ 

Թմրամիջոցների ապօրինի շրջանառությունից իրավապահների կողմից առգրավված քանակը զգալիորեն աճել է․ 2024-ին առգրավվել է ավելի քան 426 կգ թմրամիջոց, 750 գ հոգեմետ նյութ և 29.8 գ պրեկուրսոր, մինչդեռ 2023-ին այդ ցուցանիշները կազմել էին համապատասխանաբար՝ 202 կգ, 376 գ և 125 գ։ 

Նախորդ տարիների համեմատ մտահոգիչ է բարձր վտանգավորությամբ թմրամիջոցների՝ այդ թվում «Հերոին», «Մեթամֆետամին», «Մեֆեդրոն», «Սփայս», «Կոկաին» տեսակի նյութերի շրջանառության ավելացումը։ Մասնավորապես՝ «Հերոինի» առգրավված քանակը կազմել է ավելի քան 17 կգ, «Մեթամֆետամինը»՝ 13.5 կգ, իսկ «Մեֆեդրոնը»՝ ավելի քան 4 կգ։

Նվազել է բուսական ծագման որոշ թմրամիջոցների շրջանառությունը, ինչպես օրինակ՝ «Կանեփ», «Ափիոն» և «Հաշիշ»։

ՀՀ «Կախվածությունների բուժման ազգային կենտրոն» ՓԲԸ տվյալներով՝ 2024 թվականի հունվարի 1-ի դրությամբ «թմրամոլ» ախտորոշմամբ հաշվառվել է 7772 քաղաքացի, որը մի քանի տասնյակով ավելի է նախորդ տարվա համեմատ։

Հաշվետու ժամանակահատվածում թմրամիջոցների ապօրինի շրջանառության բացահայտման ցուցանիշը բարելավվել է մասնավորապես Լոռու, Վայոց ձորի, Կոտայքի, Արարատի մարզերում և Երևանի մի շարք վարչական շրջաններում։

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը