Գեղարքունիքի մարզի համայնքները սեփական եկամուտները 2025 թ-ի մարտի 1-ի դրությամբ հավաքագրել են 87,7 տոկոսով
1 րոպեի ընթերցում
2025 թվականին Գեղարքունիքի մարզի 5 համայնքի սեփական եկամուտների պլանային թիվը կազմում է 3 միլիարդ 501 միլիոն 308 հազար 400 դրամ, որը 2024 թվականի հետ համեմատած ավելի է պլանավորվել 206 միլիոն 628 հազար 400 դրամով։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի ֆինանսական վարչությունից, 2025 թվականի մարտի 1-ի արդյունքներով մարզի համայնքների սեփական եկամուտների հավաքագրման ցուցանիշը կազմել է 87,7 տոկոս, կամ փաստացի հավաքագրվել է 511 միլիոն 845 հազար 400 դրամ: Նախորդ տարվա նույն ժամանակաշրջանի հետ համեմատած արձանագրվել է 1,1 տոկոս աճ:
Վարդենիս համայնքը սեփական եկամուտները կատարել է 67,9, Գավառ համայնքը՝ 82, Ճամբարակ համայնքը՝ 71,4, Մարտունի համայնքը՝ 99,2, Սևան համայնքը՝ 101,6 տոկոսով։
2025 թվականին պլանավորված ֆինանսական համահարթեցման դոտացիան 2024 թվականի փաստացիի նկատմամբ աճել է 1 միլիարդ 400 միլիոն 287 հազար 300 դրամով, որը կազմում է համայնքների սեփական եկամուտների 40 տոկոսը։
