Մալթան ողջունում է Հայաստանի և Ադրբեջանի միջև խաղաղության գործընթացում առաջընթացի մասին հայտարարությունը. Իեն Բորջ

Մալթայի Հանրապետության արտաքին գործերի, Եվրոպայի հարցերի և առևտրի նախարար Իեն Բորջը ողջունել է Հայաստանի և Ադրբեջանի միջև խաղաղության գործընթացում ձեռք բերված առաջընթացի մասին հայտարարությունը։ 

«Արմենպրես»-ի հաղորդմամբ՝ այս մասին նշված է Մալթայի Հանրապետության արտաքին գործերի, Եվրոպայի հարցերի և առևտրի նախարար Իեն Բորջի X-ի միկրոբլոգում արված գրառման մեջ։  

«Մալթան ողջունում է Հայաստանի և Ադրբեջանի միջև խաղաղության գործընթացում ձեռք բերված առաջընթացի մասին հայտարարությունը, որը նշանակալի քայլ է Հարավային Կովկասում կայունության և բարգավաճման հասնելու համար։ Մենք խրախուսում ենք երկու կողմերին երկխոսությանն ուղղված նրանց նվիրվածության և վերջնական համաձայնագրի շուտափույթ ստորագրման համար»,-իր գրառման մեջ նշել է Իեն Բորջը: 

Malta welcomes the announcement on the progress achieved on the peace process between #Armenia and #Azerbaijan - a significant step towards stability and prosperity in the South Caucasus.

We commend both sides for their commitment to dialogue and hope for a swift signature of…

— Ian Borg (@DeputyPMIanBorg) March 17, 2025

Հայաստանն ու Ադրբեջանը մարտի 13-ին հայտարարել են, որ վերջնական համաձայնության են հասել խաղաղության համաձայնագրի նախագծի տեքստի շուրջ։ Հայաստանի արտաքին գործերի նախարարությունը հայտարարել է, որ պատրաստ է Բաքվի հետ քննարկումներ սկսել համաձայնագրի ստորագրման ժամկետների և վայրի վերաբերյալ։  Բազմաթիվ երկրներ արդեն ողջունել են Հայաստանի և Ադրբեջանի միջև համաձայնության ձեռքբերումը խաղաղության համաձայնագրի տեքստի շուրջ և հույս են հայտնել, որ այն կստորագրվի հնարավորինս շուտ։