1 րոպեի ընթերցում
Ամերիկայի Միացյալ Նահանգները լայնածավալ ռազմական հարվածներ է հասցրել Եմենի հութիների նավահանգիստներին՝ կապված Կարմիր ծովում նավերի վրա նրանց հարձակումների հետ:
«Արմենպրես»-ի հաղորդմամբ՝ ինչպես փոխանցում է Reuters-ը, դրանց հետևանքով զոհվել է առնվազն 31 մարդ:
Ըստ աղբյուրի՝ ամերիկացի պաշտոնյան հայտնել է, որ ծավալվող հարվածները կարող են շարունակվել շաբաթներ շարունակ և ներկայացնում են ԱՄՆ-ի ամենամեծ ռազմական գործողությունը Մերձավոր Արևելքում:
Նշվում է, որ դա տեղի է ունեցել այն ժամանակ, երբ Միացյալ Նահանգները ուժեղացրեց պատժամիջոցների ճնշումը Թեհրանի վրա՝ փորձելով Իրանը բերել իր միջուկային ծրագրի հարցով բանակցությունների սեղանի շուրջ:
Լրատվամիջոցը, հղում անելով հութիների կողմից ղեկավարվող առողջապահության նախարարության խոսնակ Անիես ալ Ասբահին, հայտնում է, որ առնվազն 31 մարդ զոհվել է, ևս 101-ը վիրավորվել է ԱՄՆ-ի հարվածների հետևանքով, հիմնականում՝ կանայք և երեխաներ,
Հարձակումների թիրախ են դարձել նաև հութիների ռազմական օբյեկտները Եմենի հարավ-արևմտյան Թաիզ քաղաքում: