Սլովենիայի ԱԳ նախարարը ողջունել է Երևանի և Բաքվի միջև խաղաղության պայմանագրի շուրջ բանակցությունների ավարտի մասին հայտարարությունները

Սլովենիայի արտաքին գործերի նախարար Տանյա Ֆայոն ողջունել է Հայաստանի և Ադրբեջանի միջև խաղաղության պայմանագրի շուրջ բանակցությունների ավարտի մասին հայտարարությունները։ 

«Արմենպրես»-ի փոխանցմամբ՝ Սլովենիայի ԱԳ նախարարն այդ մասին գրել է X-ի իր միկրոբլոգում։ 

Warmly welcome the announcement both by #Armenia 🇦🇲 & #Azerbaijan 🇦🇿 on the conclusion of the negotiations on Agreement on Peace. We hope for the signature to follow soon thus marking the start of a new era of peace & stability in the #SouthCaucasus. @vladaRS @slointurkiye

— Tanja Fajon (@tfajon) March 13, 2025

«Ջերմորեն ողջունում ենք ինչպես Հայաստանից, այնպես էլ Ադրբեջանի հնչող հայտարարությունները խաղաղության պայմանագրի շուրջ բանակցությունների ավարտի մասին։ Մենք հույս ունենք, որ առաջիկայում պայմանագիրը կստորագրվի, որը կնշանավորի Հարավային Կովկասում խաղաղության և կայունության նոր դարաշրջանը»,- գրել է Տանյա Ֆայոն։ 

Հայաստանն ու Ադրբեջանը մարտի 13-ին հայտարարել են, որ վերջնական համաձայնության են հասել խաղաղության պայմանագրի նախագծի տեքստի շուրջ։ Հայաստանի արտաքին գործերի նախարարությունը հայտարարել է, որ պատրաստ է Բաքվի հետ քննարկումներ սկսել պայմանագրի ստորագրման ժամկետների և վայրի վերաբերյալ։