Լիլիթ Մակունցն ԱՄՆ կոնգրեսականին ներկայացրել է Հայաստան-Ադրբեջան խաղաղության գործընթացը
1 րոպեի ընթերցում
ԱՄՆ-ում ՀՀ դեսպան Լիլիթ Մակունցը մարտի 4-ին հանդիպել է Կոնգրեսական Մայքլ Լոուլերի հետ (Հանրապետական, Նյու Յորք):
«Արմենպրես»-ի փոխանցմամբ՝ այս մասին հաղորդագրություն է տարածել ԱՄՆ-ում ՀՀ դեսպանությունը։
Հանդիպմանը կողմերն անդրադարձել են ՀՀ-ԱՄՆ երկկողմ հարաբերությունները խթանելուն և այդ հարցում Կոնգրեսի կարևոր դերակատարմանը։
Դեսպանն ամփոփ ներկայացրել է Հայաստան-Ադրբեջան խաղաղության գործընթացը։
Իր հանրային ելույթներում Կոնգրեսականը բազմիցս աջակցություն է հայտնել ՀՀ տարածքային ամբողջականությանն ու ինքնիշխանությանը, ինչի առնչությամբ դեսպանը շնորհակալություն է հայտնել կոնգրեսականին։