Երևանն աջակցում է Գյումրիում թափառող կենդանիների խնդրի կարգավորմանը

Երևանի քաղաքապետարանի «Կենդանիների խնամքի կենտրոն» ՀՈԱԿ-ի աշխատակիցները վերջին օրերին Գյումրիում են՝ թափառող շների խնդիրը լուծելու գործում համայնքին աջակցելու համար։

Ինչպես «Արմենպրես»-ին տեղեկացրին Երևանի քաղաքապետարանից, ՀՈԱԿ-ը համալիր ծրագիր է իրագործում՝ կենդանիների ստերջացում, կատաղություն հիվանդության դեմ պատվաստում: 

«Գյումրու համայնքապետարանը բացառում է կենդանիների սպանդը և պատրաստ է շարունակել այս ծրագիրը՝ համագործակցելով ոլորտի մասնագետների հետ»,- ասվում է Երևանի քաղաքապետարանի հաղորդագրության մեջ։