1 րոպեի ընթերցում
Եվրոպան պետք է «կրկին բացահայտի ռիսկի, հավակնությունների և հզորության համը» և հրաժարվի ԱՄՆ-ից կախվածությունից։ «Արմենպրես»-ի փոխանցմամբ՝ այս մասին հայտարարել է Ֆրանսիայի նախագահ Էմանուել Մակրոնը Պորտուգալիա կատարած երկօրյա պետական այցի ժամանակ։
Ըստ Ֆրանսիայի ղեկավարի՝ Եվրոպան պետք է ավելի անկախ լինի ինչպես Ուկրաինայի, այնպես էլ մաքսատուրքերի հարցում։
«Ես տեսնում եմ՝ ինչպես են Եվրոպայում շատերն ասում, որ մենք պետք է քաղաքավարի լինենք ամերիկացիների հետ, որ այս ամենը կանցնի», - Մակրոնի խոսքերն է մեջբերել BFM TV-ն։
Մակրոնը նշել է, որ եվրոպացիներին անհրաժեշտ է ցույց տալ, որ նրանք պետք է միասնական լինեն և ուժեղ ու կարևոր ընտրություն կատարեն տեխնոլոգիաների, արդյունաբերության և պաշտպանության հարցերում։
Մակրոնը հայտարարել է, որ լուծումը ենթարկվելը չէ, և որ ինքը դեմ է ԱՄՆ-ից «երջանիկ վասալական կախվածությանը»։
Էմանուել Մակրոնը փետրվարի 24-ին Վաշինգտոնում հանդիպում է ունեցել իր ամերիկացի գործընկեր Դոնալդ Թրամփի հետ։