ԵՄ-ն մտադիր է անհապաղ պատասխանել Թրամփի կողմից խոստացված մաքսատուրքերին

2 րոպեի ընթերցում

Եվրամիությունը մոտ ժամանակներս վճռականորեն կպատասխանի եվրոպական ապրանքների համար ԱՄՆ նախագահ Դոնալդ Թրամփի կողմից խոստացված 25 տոկոս մաքսատուրքերին։ «Արմենպրես»-ի փոխանցմամբ՝ այս մասին ասվում է Եվրահանձնաժողովի (ԵՀ) տարածած հայտարարության մեջ։

«Եվրահանձնաժողովը անմիջապես և վճռականորեն կպատասխանի (ամերիկյան)  մաքսատուրքերին»,- նշված է փաստաթղթում։  

Եվրահանձնաժողովը նաև մեկնաբանել է Թրամփի խոսքերն այն մասին, թե ԵՄ-ն «ստեղծվել է, որպեսզի օգտագործի Միացյալ Նահանգները, և նա հաջողությամբ դրանով զբաղվել է»: 

Բրյուսելը հանդես է եկել պնդմամբ, որ Եվրամիությունն «ամենամեծ շուկան է աշխարհում», որը «մեծ հաջողություն է դարձել ԱՄՆ-ի համար»։

Թրամփը փետրվարի 26-ին ավելի վաղ Վաշինգտոնում իր կաբինետի առաջին նիստում հայտարարել է, որ ԵՄ-ից ապրանքների համար մաքսատուրքերի սահմանման որոշումն արդեն կայացվել է և շուտով կհրապարակվի։ Մաքսատուրքերը կհասնեն 25%-ի և կվերաբերեն ոչ միայն ավտոմեքենաներին, այլև «մնացած ամեն ինչին»։ Անդրադառնալով ԵՄ-ի հնարավոր արձագանքի մասին լրագրողների հարցերին՝ ԱՄՆ նախագահն ասել է, որ եվրոպացիները «կարող են փորձել պատասխանել, բայց նրանք հաջողության չեն հասնի»։

Իր հերթին, ՏԱՍՍ-ը հաղորդում է Եվրամիության և ԱՄՆ-ի միջև տեղի ունեցած դիվանագիտական ​​սկանդալի մասին. Եվրահանձնաժողովը հարկադրված է եղել հայտարարել, որ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի հանդիպումն ԱՄՆ պետքարտուղար Մարկո Ռուբիոյի հետ չեղարկվել է գրաֆիկների անհամապատասխանության պատճառով։ Սակայն Կալասը, ըստ գործակալության, փետրվարի 26-27-ը մեկնել էր Վաշինգտոն և իր այցից առաջ հայտարարել էր Ռուբիոյի հետ բանակցությունների մասին։

Ռուբիոն Թրամփի վարչակազմի մյուս անդամների հետ միասին  փետրվարի 26-ին մասնակցել է ԱՄՆ կաբինետի նիստին:

Հայերեն Русский

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը