1 րոպեի ընթերցում
Գյումրիում ավելանում է լուսավորված բակերի թիվը: Համայնքապետարանի կողմից լուսավորվում են քաղաքի տարբեր թաղամասերի բակերը: Այս պահին արդեն միայն «Անի» թաղամասում կա 75 լուսավորված բակ: Աշխատանքներն իրականացվում են համայնքային միջոցների հաշվին:
«Մենք սկսել ենք հանդիպումների շարք բնակիչների հետ՝ տարբեր թաղամասերում: Հանդիպումների արդյունքում գյումրեցիներն առաջ են քաշում մի շարք հիմնախնդիրներ, որոնցից առաջնայինը բակերի լուսավորությունն է, փողոցաշինությունը, թափառող շների հարցը: Արդեն իսկ «Անի» թաղամասում ունենք 75 լուսավորված բակ, տեղադրվել է ավելի քան 200 լուսատու: Աշխատանքներ իրականացվել են նաև «Խրիմյան Հայրիկ» փողոցում, «Մուշ» և «Մսի Կոմբինատ» թաղամասերում: Փողոցների, բակերի լուսավորման աշխատանքները մեծ թափով շարունակվում են»,-«Արմենպրես»-ին տեղեկացրեց Գյումրիի համայնքի ղեկավարի պաշտոնակատար Սարիկ Մինասյանը՝ վստահեցնելով, որ աշխատանքները շարունակական են, ու լուսատուներ կտեղադրվեն նաև մյուս թաղամասերի բակերում: