368.52
Շուրջօրյա ռեժիմով իրականացնում ենք ձնամաքրման աշխատանքներ. Տիգրան Ավինյան
1 րոպեի ընթերցում
Երևանի քաղաքապետարանի բոլոր ծառայությունները շուրջօրյա ռեժիմով իրականացնում են ձնամաքրման աշխատանքներ։«Արմենպրես»-ի փոխանցմամբ՝ այս մասին «Ֆեյսբուք»,-ի իր էջի ուղիղ եթերում այս մասին ասել է Երևանի քաղաքապետ Տիգրան Ավինյանը։
«Երևան քաղաքում ունենք դժվարություններ։ Դժվարություններ և խցանումներ ունենք Ռուբինյանց փողոցում, խցանումներ կամ Արաբկիրում, մնացած հատվածներում փողոցներն ընդհանուր առմամբ անցանելի են»,-ասել է քաղաքապետը։
Ավինյանը վարորդներին հորդորել է սեփական մեքենաներով երթևեկել միայն այն դեպքում, եթե ունեն ձմեռային անվադողեր, քանի որ հիմնականում վթարները տեղի են ունենում ամառային անվադողերով երթևեկելու պատճառով։
Քաղաքապետը նաև տեղեկացրել է, որ Երևանի տարբեր հատվածներում 40 միավոր տեխնիկա է աշխատում։ Նա նշել է, որ առաջիկա 4 օրերին շուրջօրյա ռեժիմով ձնամաքրման աշխատանքներ են իրականացնելու՝ գործարկելով քաղաքապետարանի ողջ տեխնիկան, իսկ վաղ առավոտից նաև մայթերը մաքրելու աշխատանքներ են իրականացվելու։
Բաժանորդագրվեք մեր ալիքին Telegram-ում