ՀՀ ԶՈՒ զինծառայող է մահացել․ դեպքի հանգամանքները քննվում են

Փետրվարի 17-ին՝ ժամը 09:20-ի սահմաններում, հայտնաբերվել է ՊՆ N զորամասի զինծառայող Սևակ Վարդանի Հովհաննիսյանի դին՝ հրազենային վնասվածքով:

«Արմենպրես»-ի հաղորդմամբ այս մասին հայտնում են ՀՀ պաշտպանության նախարարությունից՝ հավելելով, որ դեպքի հանգամանքներն ամբողջովին պարզելու նպատակով ընթանում է քննություն:

Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակից ընկերներին։