397.35
Մարտունի համայնքում տեղի է ունեցել «Սևանա լճի պահպանության հարթակ» նախաձեռնության միջոցառումը
1 րոպեի ընթերցում
Գեղարքունիքի մարզի Մարտունի համայնքում տեղի է ունեցել «Սևանա լճի պահպանության հարթակ» նախաձեռնության միջոցառումը, որի ընթացքում Մարտունի և Վարդենիս համայնքները ներկայացնող 28 մանկավարժ վերապատրաստվել են նախադպրոցական ուսումնական հաստատությունների ավագ խմբի մանկավարժների համար նախատեսված «Սևանա լճի պահպանություն» ձեռնարկով:
Ինչպես «Արմենպրես»-ը տեղեկացավ Մարտունիի համայնքապետարանի աշխատակազմից, միջոցառման մասնակիցներն ուսումնասիրել են բնապահպանական ձեռնարկը, հարցուպատասխանների և քննարկումների տեսքով հստակեցրել հետագա անելիքները՝ նախադպրոցական տարիքի երեխաների մոտ էկոհամակարգի մասին անհրաժեշտ ու պահանջվող գիտելիքներ ձևավորելու համար։
Միջոցառումը կազմակերպվել էր Եվրոպական Միության և Գերմանիայի Դաշնային Հանրապետության տնտեսական համագործակցության և զարգացման նախարարության համաֆինանսավորմամբ իրականացվող «Սևանա լճի շրջակա միջավայրի պաhպանություն» ծրագրի կողմից:
Բաժանորդագրվեք մեր ալիքին Telegram-ում