1 րոպեի ընթերցում
Վարչապետ Նիկոլ Փաշինյանը ներկայացրեց Դավոսի համաշխարհային տնտեսական ֆորումին իր այցի օրակարգը։ «Արմենպրես»-ի հաղորդմամբ՝ Ազգային ժողովում կառավարության հարցուպատասխանի ընթացքում նա նշեց, որ Դավոսում նախատեսված է իր մասնակցությունը պանելային քննարկումներին, ինչպես նաև հանդիպումներ միջազգային գործընկերների հետ։
Նիկոլ Փաշինյանը ասաց, որ քննարկման հիմնական թեմաները կլինեն Հայաստանի և միջազգային գործընկերների համագործակցությանն առնչվող հարցերը։
Վարչապետը նաև նախատեսում է հանդիպել Շվեյցարիայում բնակվող հայ համայնքի ներկայացուցիչների հետ։
«Ըստ ամենայնի, հանդիպում կունենամ նաև շվեյցարահայ համայնքի ներկայացուցիչների հետ, որը դեռ հաստատման կարիք ունի»,- նշեց նա։
Հայաստանի Հանրապետության վարչապետ Նիկոլ Փաշինյանը հունվարի 23-ին կմեկնի Դավոս՝ մասնակցելու համաշխարհային տնտեսական ֆորումին։
