1 րոպեի ընթերցում
Վրաստանի նախագահ Միխեիլ Ղավելաշվիլին Աստվածահայտնության տոնի առթիվ հունվարի 19-ին ներում է շնորհել 613 դատապարտյալի։ «Արմենպրես»-ի փոխանցմամբ՝ այս մասին հաղորդում է Վրաստանի հանրային հեռարձակող ընկերությունը։
«Վրաստանի նախագահի կողմից Սահմանադրությամբ իրեն վերապահված բացառիկ լիազորությունների օգտագործումը հիմնված է մարդասիրության և պետական շահի սկզբունքի վրա։ Առանձնահատուկ մարդասիրական վերաբերմունքով ներված անձանց հնարավորություն է տրվել վերադառնալ իրենց ընտանիքներ և կրկին դառնալ հասարակության լիիրավ անդամ», - գրել է Ղավելաշվիլին սոցիալական ցանցերում։
Թե որ կատեգորիայի բանտարկյալներին է վերաբերել ներումը, հայտարարության մեջ չի նշվում։