398.94
Սևան համայնքի մանկապարտեզների տանիքներին արևային ֆոտովոլտային կայաններ են տեղադրվում
2 րոպեի ընթերցում
Գեղարքունիքի մարզի Սևան համայնքի մանկապարտեզների տանիքներին 5 ԿՎտ հզորության արևային ֆոտովոլտային կայաններ են տեղադրվում։
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, աշխատանքներն իրականացվում են «Էներգախնայողության աջակցման հիմնադրամի» և Սևանի համայնքապետարանի համագործակցությամբ՝ «Փոքր մասշտաբի վերականգնվող էներգիայի և էներգաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում» ծրագրի շրջանակներում։ Արևային կայանները տեղադրվում են Սևան համայնքի Լճաշեն, Ծովագյուղ, Վարսեր գյուղերի մանկապարտեզների շենքերի տանիքներին։
Ծրագիրն իրողություն է դարձել Եվրոպական Միության և Գերմանիայի տնտեսական համագործակցության և զարգացման դաշնային նախարարության ֆինանսավորմամբ՝ «ԵՄ-ն հայկական համայնքներում էներգաարդյունավետության և վերականգնվող էներգիայի համար» ծրագրի շրջանակներում, որն իրականացվում է Գերմանիայի միջազգային համագործակցության ընկերության կողմից՝ որպես «Էկոսերվ» բնապահպանական ծրագրի մաս:
Ծրագիրն իրականացվում է ՀՀ տարածքային կառավարման և ենթակառուցվածքների նախարարության հետ համագործակցությամբ:
«Փոքր մասշտաբի վերականգնվող էներգայի և էներգաարդյունավետության միջոցառումներ հանրային շենքերում և պիլոտային մեկուսացում տնային տնտեսությունների մակարդակում» իրականացվող ծրագիրը բնապահպանական և էներգաարդյունավետության լավագույն լուծումներից մեկն է: Աշխատնքները մեկնարկել են Վարսեր բնակավայրի «Ժպիտներ» մանկապարտեզից:
Տեղադրվող յուրաքանչյուր կայանի համար համայնքային ներդրումը կազմում է ընդհանուր արժեքի 25 տոկոսը:
Բաժանորդագրվեք մեր ալիքին Telegram-ում