Հանրապետության տարածքում առաջիկայում օդի ջերմաստիճանն էապես չի փոխվի

ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Երևանում հունվարի 11-ի ցերեկը, 12-16-ին սպասվում է առանց տեղումների եղանակ: 

«Արմենպրես»-ի հաղորդմամբ՝ այս մասին տեղեկացնում է Հիդրոօդերևութաբանության և մոնիթորինգի կենտրոնը՝ նշելով, որ օդի  ջերմաստիճանն էապես չի փոխվի։

Մարզերում հունվարի 11-ի ցերեկը, 12-14-ին կդիտվի  առանց տեղումների եղանակ։ Հունվարի 15-16-ի ցերեկը լեռնային շրջաններում սպասվում է ձյուն։  Շիրակում, Արագածոտնում և Կոտայքում կլինի մառախուղ, ճանապարհներին` մերկասառույց։ Քամին հյուսիսարևմտյան 2-4մ/վ։