398.94
Տեղի է ունեցել Գավառ համայնքի 2025 թվականի բյուջեի նախագծի հանրային լսում
1 րոպեի ընթերցում
ԳԱՎԱՌ, 9 ՀՈՒՆՎԱՐԻ, ԱՐՄԵՆՊՐԵՍ։ Գեղարքունիքի մարզի Գավառի համայնքապետարանում տեղի է ունեցել համայնքի 2025 թվականի բյուջեի նախագծի հանրային լսում, որը վարել են համայնքի ղեկավարի առաջին տեղակալ Գրիգոր Դաշտոյանը, տեղակալներ Գրիգոր Բոշյանն ու Մուրադ Մովսիսյանը:
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, բյուջեի նախագիծը ներկայացրել և ներկաներին հետաքրքրող հարցերին պատասխանել է համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ Տիգրան Բրսիկյանը:
Հանրային լսմանը մասնակցել են համայնքապետարանի ենթակա կազմակերպությունների աշխատակիցներ, ՀԿ-ների ներկայացուցիչներ, շահագիգիռ այլ անձինք:
Ըստ բանախոսի՝ Գավառ համայնքի վարչական բյուջեն եկամուտների և ծախսերի մասով կազմել է 3 միլիարդ 31 միլիոն 500 հազար դրամ, որն, ըստ անհրաժեշտության, հնարավոր է ենթարկվի փոփոխության։ Բյուջեի նախագիծը կքննարկվի և կընդունվի Գավառ համայնքի ավագանու առաջիկա նիստում։
Բաժանորդագրվեք մեր ալիքին Telegram-ում