398.94
ՆԳ նախարարը մասնակցել է մանկատան սաների Ամանորի միջոցառմանը
1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Ներքին գործերի նախարար Արփինե Սարգսյանը դեկտեմբերի 26–ին այցելել է Մարի Իզմիրլյանի անվան մանկատուն, մասնակցել Ամանորի միջոցառմանը։
«Արմենպրես»-ի փոխանցմամբ՝ այս մասին հայտնում են Ներքին գործերի նախարարությունից:
Ներկա են եղել նաև ՆԳՆ ոստիկանության պետ-ներքին գործերի նախարարի տեղակալ Արամ Հովհաննիսյանը, ՆԳ նախարարի տեղակալ Արմեն Մկրտչյանը, Պարեկային ծառայության պետ Արթուր Խուդինյանը։
Մանկատան սաները ներկայացրել են երաժշտական և պարային համարներ՝ տոնական տրամադրություն պարգևելով ներկաներին։
Միջոցառման ավարտից հետո Ալենը, ում երազանքն է դառնալ ոստիկան, շրջել է պարեկային ծառայողների հետ։
Բաժանորդագրվեք մեր ալիքին Telegram-ում