1 րոպեի ընթերցում
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ։ ՀՀ գլխավոր դատախազության հանրային կապերի բաժնի պետ Արևիկ Խաչատրյանը «Որակի նշան» ընկերության 2024 թվականի մրցանակաբաշխության ընթացքում արժանացել է «Հանրային ծառայող» անվանակարգում մրցանակի։ «Արմենպրես»-ի հաղորդմամբ՝ մրցանակը նրան հանձնվել է լրագրողների և հանրության հետ արդյունավետ աշխատանքը բարձր գնահատելու համար։
«Շնորհակալ եմ գնահատականի համար, այն պարտավորեցնում է բազմապատկել ջանքերը ծառայության ընթացքում աշխատանքս առավել արդյունավետ իրականացնելու համար»,- «Ֆեյսբուք»-ի իր էջում գրել է Խաչատրյանը։
Արևիկ Խաչատրյանը ՀՀ գլխավոր դատախազության հանրային կապերի բաժնի պետ է 2017 թվականից։
«Որակի նշան» մրցանակաբաշխությունը յուրաքանչյուր տարի արժևորում է տարբեր ոլորտներում նշանակալի ներդրում ունեցած մասնագետներին՝ նպաստելով ոլորտային զարգացումներին և հանրային արժեքների ամրապնդմանը։