2025 թվականին Հայաստանի տնտեսական աճը կարող է լինել 4․5-5 տոկոսի միջակայքում․ տնտեսագետ
1 րոպեի ընթերցում
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: 2025 թվականին Հայաստանի տնտեսական աճի վերաբերյալ սպասումները, թերևս, ավելի համեստ են։ «Արմենպրես»-ի թղթակցին այդ մասին հայտնեց տնտեսագետ, Modex ընկերության տնօրեն Հայկազ Ֆանյանը։
«2025 թվականին մեր սպասումները, կարծում եմ, շատ ավելի համեստ պետք է լինեն։ Դրա մասին է վկայում նաև հաջորդ տարվա պետական բյուջեում նվազեցումը, որը վերջնական փուլում իրականացրել է ֆինանսների նախարարությունը։ Տնտեսական աճի ակնկալիքը սահմանված է 5․1 տոկոս։ Իմ սպասումներն ավելի ցածր են՝ 5 տոկոսից մի փոքր քիչ։ Թերևս, կարող է լինել 4․5-5 տոկոսի միջակայքում։ Դա Հայաստանի բնական աճի շրջանակում է»,- գտնում է տնտեսագետը։