ՀՀ-ում Ֆրանսիայի դեսպանը միացել է ԵՄ դիտորդներին Խաչիկ գյուղում պարեկության ընթացքում
1 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում Եվրամիության քաղաքացիական դիտորդական առաքելությունը հյուրընկալել է ՀՀ-ում Ֆրանսիայի դեսպան Օլիվիե Դըկոտինյիին:
«Արմենպրես»-ի հաղորդմամբ` այս մասին տեղեկացնում են առաքելությունից:
«Պատիվ էր Հայաստանում Ֆրանսիայի դեսպան Օլիվիե Դըկոտինյիին հյուրընկալել մեր տեղակայման վայրերում, որտեղ նրան ներկայացրեցինք առաքելության վերջին աշխատանքները: Նա նաև միացավ պարեկությանը Խաչիկ գյուղում՝ տեղում տեսնելու մեր ջանքերը»,-գրել են առաքելությունից՝ շնորհակալություն հայտնելով շարունակական աջակցության և համագործակցության համար:
ԵՄ առաքելությունը Հայաստանում իր գործունեությունը սկսել է 2023 թվականի փետրվարի 20-ից: Առաքելության դիտորդները պարեկություն են իրականացնում Հայաստան-Ադրբեջան սահմանի հայկական կողմում: