368.52
ՀՀ ԱԺ նախագահը հանդիպել է Եվրոպական միությունում, Եվրոպայում և Հայաստանում Կանադայի հատուկ բանագնացի հետ
1 րոպեի ընթերցում
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության ազգային ժողովի նախագահ Ալեն Սիմոնյանը դեկտեմբերի 5-ին ընդունել է Եվրոպական միությունում, Եվրոպայում եւ Հայաստանում Կանադայի հատուկ բանագնաց Ստեֆան Դիոնին:
Ինչպես «Արմենպրես»-ը տեղեկանում է ԱԺ-ի տարածած հաղորդագրությունից, կողմերը քննարկել են հայ-կանադական հարաբերությունների օրակարգին վերաբերող հարցերի լայն շրջանակ, այդ թվում՝ միջխորհրդարանական համագործակցությանը վերաբերող տարբեր հարցեր: Այս համատեքստում զրուցակիցները կարեւորել են Կանադայի խորհրդարանական կենտրոնի հետ համատեղ իրականացվող ծրագրերը, որոնց շրջանակում Կանադայի եւ Հայաստանի խորհրդարանների աշխատակազմերի միջեւ տեղի են ունենում փորձի փոխանակման աշխատանքներ՝ ապահովելով երկու երկրների խորհրդարանների աշխատակազմերի լայն համագործակցությունը:
Հանդիպմանն անդրադարձ է կատարվել նաեւ տարածաշրջանային զարգացումներին, խաղաղության պայմանագրին վերաբերող եւ երկկողմ հետաքրքրություն ներկայացնող այլ հարցերի:
Բաժանորդագրվեք մեր ալիքին Telegram-ում