Մեկնարկեց Ազգային ժողովի հերթական նիստը

ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ։ ՀՀ Ազգային ժողովում դեկտեմբերի 3-ին մեկնարկեց հերթական նիստը, որի օրակարգում ընդգրկված է 23 հարց։

«Արմենպրես»-ի հաղորդմամբ՝ խորհրդարանը կքննարկի դատավարական օրենսգրքերում փոփոխություններ՝ ներառյալ քաղաքացիական և վարչական դատավարության օրենսգրքերը, ինչպես նաև դրանցում լրացումներ կատարելու մասին, «Հանրային խորհրդի մասին» և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքներում փոփոխությունների, «Թանկարժեք մետաղների մասին» և «Հարկային օրենսգրքում փոփոխություններ և լրացումներ կատարելու մասին» նախագծերը։

ԱԺ-ն կքննարկի նաև «Քաջարանի թունելի շինարարություն» ծրագրի ֆինանսավորման համար ներդրումային վարկի տրամադրման համաձայնագրի վավերացումը։ 

Նիստում քննարկման թեմաներից մեկը լինելու է 2025 թվականի պետական բյուջեի նախագիծը՝ առաջարկություններով։ 

Օրակարգում է նաև Կոռուպցիայի կանխարգելման հանձնաժողովի երկու անդամի ընտրության հարցը։

Ժամը 16:30-ին պատգամավորները հանդես կգան հայտարարություններով։

Դեկտեմբերի 3-ի գումարվող նիստերի օրակարգում ընդգրկված հարցերի ցանկին կարելի է ծանոթանալ այստեղ։