Իրանում 3.5 մագնիտուդով երկրաշարժ է գրանցվել

ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Իրանի Սեմնան նահանգում 3.5 մագնիտուդով երկրաշարժ է տեղի ունեցել՝ տեղական ժամանակով 9:30-ին ցնցելով Շահմիրզադ քաղաքը:

«Արմենպրես»-ի հաղորդմամբ՝ այս մասին հայտնում է իրանական Mehr գործակալությունը՝ հղում կատարելով Իրանի սեյսմոլոգիական կենտրոնի տվյալներին:

Կենտրոնի տվյալների համաձայն՝ երկրաշարժի օջախը գտնվել է 7 կլիոմետր խորության վրա:

Գործակալության փոխանցմամբ՝ հնարավոր զոհերի ու ավերածությունների մասին տեղեկություններ չեն հաղորդվել: