Զինվորականների ԱԱ-ում Հայաստանի հունահռոմեական ոճի ըմբշամարտի հավաքականը զբաղեցրել է 3-րդ հորիզոնականը
2 րոպեի ընթերցում
ԵՐԵՎԱՆ, 22 ՆՈՅԵՄԲԵՐԻ, ԱՐՄԵՆՊՐԵՍ: Զինվորականների ըմբշամարտի 37-րդ աշխարհի առաջնության թիմային ընդհանուր հաշվարկում ՀՀ ԶՈՒ հունահռոմեական ոճի ըմբշամարտի հավաքականը 3-րդ հորիզոնականում է, իսկ ազատ ոճայինների ընտրանին` 6-րդը: Հունահռոմեական և ազատ ոճում առաջին և երկրորդ տեղերում համապատասխանաբար Ռուսաստանի և Իրանի թիմերն են:
«Արմենպրես»-ի հաղորդմամբ` Հայաստանը ներկայացնող մարզիկները Երևանում ընթացող Զինվորականների ըմբշամարտի 37-րդ աշխարհի առաջնությունում նվաճեցին 14 մեդալ:
Կարեն Դեմիրճյանի անվան մարզահամերգային համալիրում ընթացող Զինվորականների ըմբշամարտի 37-րդ աշխարհի առաջնության ոսկե մեդալակիր դարձան Գասպար Տերտերյանը (67 կգ), Սուրեն Աղաջանյանը (60 կգ) և Անդրանիկ Ավետիսյանը (65 կգ):
Մրցաշարի արծաթե մեդալներին տիրացան Էլեն Բաբաջանյանը, (53 կգ), Տիգրան Մինասյանը (55 կգ) և Սարգիս Բեգոյանը (61 կգ):
Աշոտ Խաչատրյանը (77 կգ), Շանթ Խաչատրյանը (72 կգ) և Հրաչյա Պողոսյանը (63 կգ), Սամվել Գրիգորյանը (82 կգ), Հրայր Ալիխանյանը (74 կգ), Արման Ավագյանը (79 կգ), Կարեն Խաչատրյանը (87 կգ), Մուշեղ Մկրտչյանը (92 կգ) նվաճեցին բրոնզե մեդալներ։
Զինվորականների ըմբշամարտի 37-րդ աշխարհի առաջնությունում Հայաստանի Հանրապետության ԶՈՒ հավաքականի մարզիկները ընդհանուր առմամբ նվաճեցին 14 մեդալ` 3 ոսկե, 3 արծաթե և 8 բրոնզե։