1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանը նոր Հարկային օրենսգրքի կարիք է տեսնում, կառավարության գործընկերներին հանձարարել է աշխատել դրա շուրջ:
«Արմենպրես»-ի հաղորդմամբ՝ Փաշինյանն այս մասին ասաց ԱԺ-ում 2025թ. պետական բյուջեի մասին օրենքի նախագծի քննարկմանն իր եզրափակիչ ելույթում:
Վարչապետի գնահատմամբ՝ գործող Հարկային օրենսգիրքն ապապետական է:
«Մեր հարկային օրենսգիրքը չի խրախուսում զարգացումը, ավելի շատ փող աշխատելը: Ինչքան էլ տհաճ է հնչում, բայց շրջանառության հարկն ու շրջանառության հարկի համակարգը ապապետական հարկային համակարգ է»,-ասաց Փաշինյանը:
Վարչապետը հանձնարարությամբ հիմա կառավարության գործընկերներն աշխատում են նոր հարկային օրենսգրքի շուրջ: Նա կարևորեց ունենալ նոր Հարկային օրենսգիրք, որը կհամապատասխանի ՀՀ պետական շահերին: