Հայաստանի ԱԳ նախարարն ու Շվեդիայի Ռիկսդագի խոսնակը քննարկել են ՀՀ-ԵՄ օրակարգին վերաբերող հարցեր

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ։ Ստոկհոլմում նոյեմբերի 12-ին կայացել է Հայաստանի Հանրապետության արտաքին գործերի նախարար Արարատ Միրզոյանի և Շվեդիայի Ռիկսդագի խոսնակ Անդրեաս Նորլենի առանձնազրույցը:

Ինչպես «Արմենպրես»-ը տեղեկանում է ՀՀ ԱԳՆ-ի տարածած հաղորդագրությունից, զրուցակիցները քննարկել են երկկողմ, ՀՀ-ԵՄ օրակարգի, ինչպես նաև տարածաշրջանային զարգացումներին վերաբերող, փոխադարձ հետաքրքրություն ներկայացնող հարցերի լայն շրջանակ։

Նոյեմբերի 11-12-ն աշխատանքային այցով Շվեդիայում գտնվելու ընթացքում Արարատ Միրզոյանը երկկողմ հանդիպումներ կունենա գործադիր և օրենսդիր շրջանակների այլ բարձրաստիճան պաշտոնյաների հետ: