Կառավարությունը լրացուցիչ միջոցներ կձեռնարկի արդյունաբերությանն աջակցելու համար

2 րոպեի ընթերցում

ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանի տնտեսությունը 2024 թվականին ցուցաբերել է դիմադրողականություն, սակայն արտահանողներն ունեցել են որոշակի խնդիրներ՝ պայմանավորված արտահանման դժվարություններով և փոխարժեքի արժևորմամբ։  

«Արմենպրես»-ի հաղորդմամբ՝ Ազգային ժողովում 2025 թվականի պետական բյուջեի նախագծի քննարկման ժամանակ այս մասին ասաց ՀՀ ֆինանսների նախարար Վահե Հովհաննիսյանը՝ պատասխանելով «Քաղաքացիական պայմանագիր» խմբակցության պատգամավոր Հովիկ Աղազարյանը հարցին, թե ինչպե՞ս է նախարարը գնահատում Հայաստանի տնտեսության վիճակը։

Նախարարը շեշտեց, որ կառավարությունը պետք է լրացուցիչ միջոցներ ձեռնարկի այս դժվարությունները հաղթահարելու և արդյունաբերությանն աջակցելու համար։

«Կարծում եմ, որ մեր տնտեսությունը բավականին մեծ դիմադրողականություն ունի։ Իհարկե, որոշ արտահանողներ ունեն որոշակի խնդիրներ՝ կապված արտահանման հետ, նաև պայմանավորված փոխարժեքի արժևորմամբ»,-նշեց Հովհաննիսյանը։  

Նա ընդգծեց, որ անհրաժեշտ է հավելյալ խթաններ ստեղծել՝ օգնելու արտահանողներին ու արդյունաբերական ոլորտին, որն ունի մեծ նշանակություն Հայաստանի աշխատաշուկայի համար։ 

«Պետք է օգնենք ոլորտին այս դժվար վիճակում զարգանալու համար։ Եվ կարծում եմ, որ նորարարության և տեխնոլոգիաների զարգացման ուղղությամբ մեր աջակցության ծրագրերը հենց դրան են ուղղված»,-ընդգծեց Հովհաննիսյանը։ 

Հայերեն العربية

ԱՄՆ հարվածների հետևանքով առնվազն 31 մարդ է զոհվել Եմենում

Հայաստանում սպասվում են տեղումներ, լեռներում՝ ձյուն, կցրտի 6-12 աստիճանով

Թրամփի հրամանագրով կդադարեցվի  «Ազատություն» ռադիոկայանի և «Ամերիկայի Ձայն» լրատվամիջոցների ֆինանսավորումը

ՀՀ ԶՈՒ-ն կրակ չի բացել. ՊՆ-ն հերքում է Ադրբեջանի ապատեղեկատվությունը

«Դեմոկրատական այլընտրանք»-ը Գյումրիում քարոզարշավի շրջանակում ներկայացրեց քաղաքի զարգացման իր տեսլականը

Հայաստանի ֆուտբոլի ազգային հավաքականը սկսում է մարզական հավաքը

Վարչապետն Իրանի նախագահին տեղեկացրել է ՀՀ-Ադրբեջան խաղաղության համաձայնագրի նախագծի տեքստի շուրջ բանակցությունների ավարտի մասին

Լավրովն ու Ռուբիոն քննարկել են Էյր Ռիադում բանակցություններին հաջորդելիք քայլերը

Հայաստանը ներկայացնող շախմատիստներից 8-ը հաղթանակով են մեկնարկել Եվրոպայի առաջնությունում

Բռնցքամարտիկ Հովհաննես Բաչկովը նվաճել է WBA Continental գոտի