398.94
Մարտունի համայնքում տեղի է ունեցել Ոչ նյութական մշակութային ժառանգության արժեքներին նվիրված հերթական միջոցառումը
2 րոպեի ընթերցում
ԳԱՎԱՌ, 5 ՆՈՅԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Մարտունի համայնքի Մադինա գյուղում տեղի է ունեցել Ոչ նյութական մշակութային ժառանգության արժեքների օրվան նվիրված միջոցառում։
Ինչպես «Արմենպրես»-ը տեղեկացավ Մարտունու համայնքապետարանի աշխատակազմից, այն անցկացվել է նկարիչ Ներսես Կարապետյանի տուն-թանգարանի բակում։
Միջոցառումը կազմակերպվել է դպրոցի և մշակույթի տան համատեղ ջանքերով։ Դպրոցականներն իրենց դասարանների տաղավարներում ներկայացրել են Մադինայի ոչ նյութական մշակույթի` սովորույթների, նիստուկացի, արհեստների, ծեսերի ու պատումների հետ կապված ցուցադրություններ, այդ թվում` ավանդական ուտեստներ, կենցաղային սարքեր ու սպասք, Գեղարքունիքի բնությունից տրվող բերքն ու բարիքը։
Միջոցառման օրը զուգադիպել է հանրաճանաչ գեղանկարիչ, Մադինա գյուղի արժանավոր ու երջանկահիշատակ զավակ Ներսես Կարապետյանի հիշատակի օրվա հետ։ «Հավատացած ենք, որ ազգն ու մշակույթը փառաբանող այս արարողությունը ևս մեկ ժպիտ արթնացրեց հայրենիքը սիրող ու հազար գույնով պատկերած մեծ արվեստագետի հոգում։ Գյուղի մարդկանց մասնակցությունը այս միջոցառմանը ոչ միայն հարգանքի տուրք էր մեծ արվեստագետի հիշատակին, այլ նաև սեր ու պաշտամունք առ հայրենի պատմությունը, դարերից ժառանգած ազգային մշակույթը»,-ներկայացրեց Ներսես Կարապետյանի անվան տուն-թանգարանի տնօրեն Լիլիթ Կարապետյանը։
Բաժանորդագրվեք մեր ալիքին Telegram-ում