«Վարդաշեն» ՔԿՀ-ի ծառայողներն ատամնաբուժարանից վերադարձված կալանավորի մոտ հայտնաբերել են թաքցված բջջային հեռախոսներ
1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ արդարադատության նախարարության «Վարդաշեն» քրեակատարողական հիմնարկի անվտանգության ապահովման բաժնի ծառայողներն հոկտեմբերի 8-ի ժամը 16։15-ի սահմաններում անձնական խուզարկության են ենթարկել ատամնաբուժական կլինիկայից վերադարձված կալանավորված անձ Ա․Հ․-ին: Ինչպես «Արմենպրես»-ին տեղեկացրին ՀՀ արդարադատության նախարարության քրեակատարողական ծառայությունից, խուզարկության արդյունքում քրեակատարողական ծառայողները հայտնաբերել են 2 բջջային հեռախոս, որոնք Ա․Հ․-ն թաքցրել էր տաբատի մեջ։
Ըստ աղբյուրի՝ դեպքի առթիվ ձեռնարկվել են համապատասխան միջոցառումներ։