398.94
ՀՀ արդարադատության նախարար Գրիգոր Մինասյանն ափսոսանք է հայտնել փոխնախարար Սիրվարդ Գևորգյանի հրաժարականի կապակցությամբ
1 րոպեի ընթերցում
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արդարադատության նախարար Գրիգոր Մինասյանն ափսոսանք է հայտնել փոխնախարար Սիրվարդ Գևորգյանի հրաժարականի կապակցությամբ՝ նշելով, որ առանձին անհատների չափազանց անարդար ու մանրախնդիր հարձակումների պատճառով նախարարությունը և պետական համակարգը կորցրել է իրապես արժեքավոր մասնագետի ու կառավարչի, և պառլամենտարիզմի լավագույն դրսևորումը կլինի նման խարդավանքների համար քաղաքական հասցեական պատասխանատվությունը։ «Արմենպրես»-ն այս մասին տեղեկացավ Գրիգոր Մինասյանի «Ֆեյսբուք»-ի էջի գրառումից։
«Վերջին օրերին բազմաթիվ անգամներ եմ խնդրել տիկին Գևորգյանին հրաժարական չտալ: Ցավոք, նա մերժեց իմ բոլոր խնդրանքները:
Շատ ափսոս, որ առանձին անհատների չափազանց անարդար ու մանրախնդիր հարձակումների պատճառով մեր նախարարությունը և պետական համակարգը կորցրեց իրապես արժեքավոր մասնագետի ու կառավարչի:
Պառլամենտարիզմի լավագույն դրսևորումը կլինի նման խարդավանքների համար քաղաքական հասցեական պատասխանատվությունը»,- նշել է նախարար Գրիգոր Մինասյանը:
Բաժանորդագրվեք մեր ալիքին Telegram-ում