Podcast. «Բլոկչեյն և Web3 տեխնոլոգիաներ» բակալավրի ծրագիրը կդառնա նոր նշաձող բարձր տեխնոլոգիաների ոլորտում երկրի կրթական առաջընթացի համար
3 րոպեի ընթերցում
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Վերջին տարիներին թվային տեխնոլոգիաները և առհասարակ ՏՏ ոլորտը արագ տեմպերով զարգանում է, իսկ այդ զարգացմանը համընթաց քայլելու համար չափազանց կարևոր է համապատասխան կրթության առկայությունը: Նոր սերնդի տեխնոլոգիաներով, ծրագրերով և մեթոդներով կրթությունը մեզ հնարավորություն կտա ապագայում ՏՏ ոլորտում ունենալ փայլուն մասնագետներ:
Հենց այս գաղափարի իրագործման նպատակով ՀՀ բարձր տեխնոլոգիաների արդյունաբերության նախարարությունը, Հայաստանի ազգային պոլիտեխնիկական համալսարանը և «Web3 Հայաստան» հիմնադրամը մեկնարկել են «Բլոկչեյն և Web3 տեխնոլոգիաներ» մասնագիտությամբ բակալավրի որակավորում տրամադրող աշխարհում առաջին և միակ կրթական ծրագիրը:
«Արմենպրես» Podcast-ի շրջանակում Web3 հիմնադրամի հիմանդիր Արտյոմ Հարությունյանի հետ զրուցել ենք նոր ծրագրի և Web3 տեխնոլոգիաների մանրամասներից, կարևորությունից և ուսանողներին առաջարկվող հնարավորություներից:
Արտյոմ Հարությունյանը նշեց, որ «Բլոկչեյն և Web3 տեխնոլոգիաներ» մասնագիտությամբ բակալավրի ծրագիրը կդառնա կարևոր նշաձող բարձր տեխնոլոգիաների ոլորտում երկրի կրթական առաջընթացի համար:
Անդրադառնալով հարցին, թե ի՞նչ է առհասարակ Web3-ը, մասնագետը նշեց, որ ներկայումս մենք ապրում ենք Web2 իրականության մեջ, իսկ Web3-ը ինտերնետի հաջորդ իտերացիան է, որը ապակենտրոնացած համակարգերի միջոցով հնարավորություն է տալիս կախված չլինելու խոշոր տեխնոլոգիական ընկերություններից, ինչպիսիք են Google-ը, Microsoft-ը, Youtube-ը, Netflix-ը, Amazon-ը և այլ ընկերություններ։ Web3-ի հիմքում բլոկչեյն տեխնոլոգիան է, որի ամենատարածված օգտագործվող ճյուղը կրիպտորժույթներն են, սակայն այս տեխնոլոգիան կիրառվում է բազմաթիվ այլ ոլորտներում:
Խոսելով Հայաստանի ազգային պոլիտեխնիկական համալսարանի հետ մեկնարակած կրթական ծրագրից՝ Հարությունյանը նշեց, որ այսօր աշխարհում ամենաարագ զարգացող ՏՏ ուղղություններից են արհեստական բանականությունը, Web3-ը և քվանտային համակարգերը, որոնց զարգացումը անխուսափելի է:
«Այստեղ հարցը նրանում է, թե ինչքան շուտ համալսարանները կհասցնեն դրանց ինտեգրվել: Սովորաբար, ամբողջ աշխարհում այդ գործընթացը երկար է տևում բյուրոկրատական քաշքշուկների պատճառով: Այս պարագայում մեզ մոտ արագ ստացվեց՝ ի շնորհիվ Հայաստանի ազգային պոլիտեխնիկական համալսարանի, ԲՏԱ նախարարության և Web3 համայնքի: Ստացվեց, որ առաջին անգամ աշխարհում ինչ որ մի բան մենք հասցրեցինք ավելի շուտ անել, քան Քեմբրիջը, Օքսֆորդը և միջազգային մյուս համալսարնները:
Զրույցն ամբողջությամբ լսեք Podcast-ում։
Գայանե Գաբոյան