1 րոպեի ընթերցում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի հավաքականի և Ավստրիայի ընտրանու միջև աշխարհի առաջնության ընտրական փուլի խաղի տոմսերի վաճառքը սկսվել է:
«Արմենպրես»-ի հաղորդմամբ` այս մասին հայտնում է Հայաստանի բասկետբոլի ֆեդերացիան: Մեկնարկել է Աշխարհի 2027 թվականի առաջնության նախընտրական առաջին փուլի՝ նոյեմբերի 24-ին կայանալիք Հայաստան-Ավստրիա հանդիպման տոմսերի վաճառքը։
Տոմսերը կարող եք ձեռք բերել Show4me.com կայքից: Տոմսերի արժեքներն են՝ 2000, 3000, 5000, 7000 դրամ:
Խաղը կկայանա Կ. Դեմիրճյանի անվան մարզահամերգային համալիրում և կսկսվի 18:00-ին։