Ֆրանսիայի Եվրոպայի և ԱԳ նախարար Ստեֆան Սեժուրնեն այցելել է Հայոց ցեղասպանության հուշահամալիր

ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիայի Եվրոպայի և արտաքին գործերի նախարար Ստեֆան Սեժուրնեն Երևանում այցելել է Հայոց ցեղասպանության հուշահամալիր։

«Արմենպրես»-ի հաղորդմամբ՝ Ստեֆան Սեժուրնեն՝ ծաղիկներ է խոնարհել հուշահամալիրի անմար կրակի մոտ, ծանոթացել Հայոց ցեղասպանության թանգարան-ինստիտուտի ցուցադրությանը և գրառում կատարել հուշամատյանում։

Ֆրանսիայի Եվրոպայի և արտաքին գործերի նախարար Ստեֆան Սեժուրնեն այցով Հայաստանում կգտնվի սեպտեմբերի 15-16-ին։ 

Սեպտեմբերի 16-ին ՀՀ ԱԳՆ-ում կկայանա Հայաստանի և Ֆրանսիայի ԱԳ նախարարների պաշտոնական հանդիպումը, որին կհաջորդի Արարատ Միրզոյանի և Ստեֆան Սեժուրնեի համատեղ մամուլի ասուլիսը: