Ադրբեջանը մերժում է խաղաղության պայմանագիրն այս պահին համաձայնեցված դրույթներով ստորագրելու Հայաստանի առաջարկը

ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի արտաքին գործերի նախարարությունը դեմ է արտահայտվել խաղաղության պայմանագիրը արդեն իսկ համաձայնեցված դրույթներով ստորագրելու, իսկ չհամաձայնեցված հարցերի շուրջ քննարկումները շարունակելու վերաբերյալ Հայաստանի առաջարկին։ 

«Արմենպրես»֊ի փոխանցմամբ՝ Ադրբեջանի ԱԳՆ խոսնակ Այխան Հաջիզադեն հայտարարել է, որ այդ առաջարկը չի կարող իրենց համար ընդունելի լինել։ 

Նա հայտարարել է, որ խաղաղության պայմանագիրը կարող է ստորագրվել բոլոր դրույթները համաձայնեցնելուց հետո։ 

Հաջիզադեն հերթական անգամ կրկնել է Ադրբեջանի անհիմն մեղադրանքները Հայաստանի հասցեին ու անհեթեթ պնդում է արել Հայաստանի Սահմանադրությունը փոխելու վերաբերյալ։