ՄԱԳԱՏԷ-ն բավարար փաստեր չունի Կուրսկի ատոմակայանի վրա հարձակումների պատասխանատուներ նշելու համար
2 րոպեի ընթերցում
8750860 27.08.2024 Курская атомная электростанция. Илья Питалев / РИА Новости
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ։ ՄԱԳԱՏԷ-ի գլխավոր տնօրեն Ռաֆայել Գրոսսին հայտարարել է, որ չի կարող նշել Կուրսկի ատոմակայանի վրա հարձակումների պատասխանատուների, քանի որ ձգտում է ինքնուրույն հաստատել միջուկային անվտանգության հետ կապված միջադեպերի փաստերը, ինչպես նաև չի ցանկանում քաղաքականացնել իրավիճակը անհերքելի ապացույցների բացակայության պայմաններում։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին Ռաֆայել Գրոսսին ասել է Al Arabiya հեռուստաալիքին տված հարցազրույցում։
Ըստ նրա՝ ՄԱԳԱՏԷ-ի փորձագետները գնացել են Կուրսկի ատոմակայան ինքնուրույն գնահատելու սպառնալիքները, քանի որ ռուսական իշխանություններից հաղորդագրություններ են ստացվել հարձակումների մասին։
Գրոսսին ընդգծել է, որ միջուկային անվտանգությունը պաշտպանելու իրենց առաքելության շրջանակներում պետք է տեղում լինեին և որոշեինք փաստերը: Նրա խոսքով՝ անկողմնակալության, ճշգրիտ լինելու և չշահարկելու համար գործակալությունը հարձակումների մասին տեղեկությունները հաստատում է միայն այն դեպքում, երբ կարող է ինքնուրույն գնահատել տեղեկատվությունը։
ՄԱԳԱՏԷ-ի ղեկավարը նաև խոստովանել է, որ հակամարտող կողմը, որի տարածքում են գտնվում վտանգված միջուկային օբյեկտները, իրավունք ունի միջազգային միջուկային կարգավորող մարմնից պահանջել միջուկային անվտանգության խախտման համար պատասխանատուներին: Միևնույն ժամանակ, Գրոսսին վստահեցրել է, որ գործակալությունը երբեք չի թաքցնի հանրությունից ատոմակայանների վրա կանխամտածված հարձակումների փաստերը, եթե իր տրամադրության տակ ունենա անհերքելի ապացույցներ։