Ալեն Սիմոնյանը հանդիպել է ԱԺ «Ամառային դպրոց» 3-րդ ծրագրի մասնակիցների հետ
1 րոպեի ընթերցում
![Ալեն Սիմոնյանը հանդիպել է ԱԺ «Ամառային դպրոց» 3-րդ ծրագրի մասնակիցների հետ](http://armenpress.am/resized/480/storage/images/articles/2024/08/27/vE9N5sEtfQLwsuJf3u2bqilah41U9u1wdA4UGZtv.webp)
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության Ազգային ժողովի բակում օգոստոսի 26-ին տեղի է ունեցել ԱԺ նախագահ Ալեն Սիմոնյանի հանդիպումն ԱԺ «Ամառային դպրոց» 3-րդ ծրագրի մասնակիցների հետ:
Ինչպես «Արմենպրես»-ը տեղեկանում է ԱԺ-ի տարածած հաղորդագրությունից, Ալեն Սիմոնյանը հանդես է եկել բացման խոսքով, ողջունել աշակերտներին ու շնորհակալություն հայտնել ծրագրին մասնակցելու եւ ցուցաբերած ակտիվության համար: Այնուհետեւ խորհրդարանի ղեկավարը ներկայացրել է օրենսդիր մարմնի գործունեությանը վերաբերող որոշ մանրամասներ, խոսել քաղաքական գործչի կերպարային առանձնահատկություններից:
Հարցուպատասխանի ձեւաչափով անցկացված քննարկումների ժամանակ ԱԺ նախագահը պատասխանել է պատանիներին հետաքրքրող տարաբնույթ հարցերի:
Ալեն Սիմոնյանն անդրադարձել է նաեւ Հայաստանի ժողովրդավարական զարգացմանը եւ բաց ու թափանցիկ ընտրությունների անցկացման կարեւորությանը վերաբերող հարցերին եւ ընդգծել, որ կրթված, գրագետ ու պահանջատեր երիտասարդությունն է պետության ապագայի ամուր հիմքը: