Բաքվում Պուտինի և Դուրովի հանդիպում չի եղել. Պեսկով
1 րոպեի ընթերցում
![Բաքվում Պուտինի և Դուրովի հանդիպում չի եղել. Պեսկով](http://armenpress.am/resized/480/storage/images/articles/2024/08/26/Mx5trVIMU3TcDz8Ep3j8DNUqPpP2vXyrw262Zfl4.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը Բաքու կատարած այցի ընթացքում չի հանդիպել Telegram մեսենջերի հիմնադիր Պավել Դուրովի հետ: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Ո՛չ (հանդիպում չի կայացել), - Պեսկովն ասել է լրագրողներին:
Պուտինն օգոստոսի 18-19-ին պետական այցով մեկնել էր Բաքու։ Մի քանի լրատվամիջոցների պնդմամբ՝ Դուրովի կողմից առաջարկ է եղել այցի ընթացքում Ռուսաստանի ղեկավարի հետ հանդիպելու վերաբերյալ, որից նա հրաժարվել է։
Օգոստոսի 24-ին Դուրովը ձերբակալվել է, երբ Բաքվից ժամանել է Փարիզի օդանավակայան։ Գործարարին ներկայացված պահանջների էությունը մինչև այժմ հայտնի չէ։