Ադրբեջան

Պուտինը հայտարարել է, որ Փաշինյանին կտեղեկացնի Բաքու այցի արդյունքների մասին

1 րոպեի ընթերցում

Պուտինը հայտարարել է, որ Փաշինյանին կտեղեկացնի Բաքու այցի արդյունքների մասին

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ։ ՌԴ նախագահ Վլադիմիր Պուտինը հայտարարել է, որ Ադրբեջան այցից հետո Հայաստանի վարչապետ Նիկոլ Փաշինյանին կհայտնի Ադրբեջանի նախագահ Իլհամ Ալիևի հետ բանակցությունների արդյունքների մասին։

«Արմենպրես»-ի փոխանցմամբ՝ Ռուսաստանի ղեկավարն իր պլանների մասին հայտարարել է իր ադրբեջանցի գործընկերոջ հետ նեղ կազմով զրույցի ժամանակ։

«Իհարկե, Ադրբեջան այցից հետո ես կկապվեմ վարչապետ Փաշինյանի հետ և կպատմեմ մեր բանակցությունների արդյունքների մասին», - Պուտինի խոսքերն է փոխանցում ՏԱՍՍ-ը։

ՌԴ նախագահը պետական այցով Բաքու է մեկնել օգոստոսի 18-ին։ 

Կողմերը սկսել են նեղ ձևաչափով հանդիպումը, որին կհաջորդեն բանակցություններ ընդլայնված ձևաչափով։

 

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում