Իրանը մտադիր չէ մասնակցել Գազայում հրադադարի շուրջ բանակցություններին

2 րոպեի ընթերցում

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Իրանը չի դիտարկում Գազայի հատվածում հրադադարի շուրջ առաջիկա բանակցություններին իր ներկայացուցիչներին ուղարկելու հնարավորությունը: «Արմենպրես»-ի փոխանցմամբ՝ այս մասին հաղորդում է Associated Press-ը (AP)՝ վկայակոչելով ՄԱԿ-ում Իրանի մշտական ​​ներկայացուցչությանը:

«Մենք չենք մասնակցել ՀԱՄԱՍ-ի և (Իսրայելի) ռեժիմի միջև հրադադարի շուրջ անուղղակի բանակցություններին, որոնք անցկացվել են Եգիպտոսի, Կատարի և ԱՄՆ-ի աջակցությամբ, և մտադիր չենք մասնակցել նման բանակցությունների», - գործակալությունը մեջբերում է ներկայացուցչության հայտարարությունը:

AP-ն նշում է, որ հայտարարությունն արվել է՝ կապված այն բանի հետ, որ ԱՄՆ-ն ստիպում է հրադադար հաստատել՝ հուսալով, որ նման գործարքը կխանգարի Իրանին ու նրա դաշնակիցներին հարված հասցնել Իսրայելին՝ ի պատասխան Թեհրանում ՀԱՄԱՍ-ի քաղաքական ղեկավար Իսմայիլ Հանիյեի և Բեյրութում իսրայելական հարվածից «Հեզբոլլահ»-ի բարձրաստիճան հրամանատար Ֆուադ Շուքրի սպանությունների:

Ավելի վաղ ԱՄՆ-ի, Կատարի և Եգիպտոսի ղեկավարները կոչ էին արել Իսրայելին ու ՀԱՄԱՍ-ին օգոստոսի 15-ին վերսկսել Գազայի հատվածում հրադադարի և պատանդների ազատ արձակման համաձայնագրի շուրջ բանակցությունները։ Միջնորդները խոստացել են ներկայացնել համաձայնագրի վերջնական տարբերակը։

The Wall Street Journal թերթի տվյալներով` այս շաբաթ սպասվում է ԱՄՆ բարձրաստիճան պատվիրակության ժամանումը տարածաշրջան։

2023 թ. հոկտեմբերի 7-ին ՀԱՄԱՍ-ի զինյալների հարձակման հետևանքով Իսրայելում 1200 մարդ է զոհվել, շուրջ 250 մարդ՝ գերեվարվել։ Իսրայելի պատասխան ռազմական գործողությունների ընթացքում Գազայի հատվածում զոհերի թիվը մոտենում է 40 000-ի։

Հայերեն فارسی Русский Türkçe

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ