Փրկարարները պատգարակով մոտ 200 մ իջեցրել և շտապօգնության ավտոմեքենային են մոտեցրել ոտքը վնասած 73-ամյա քաղաքացուն
1 րոպեի ընթերցում
![Փրկարարները պատգարակով մոտ 200 մ իջեցրել և շտապօգնության ավտոմեքենային են մոտեցրել ոտքը վնասած 73-ամյա քաղաքացուն](http://armenpress.am/resized/480/storage/images/articles/2024/08/04/Xoy0orL66eYGCwRX7xxo84KEtmsWcLzFt4j1uOqb.webp)
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Լոռու մարզային փրկարարական վարչության ճգնաժամային կառավարման կենտրոնն օգոստոսի 4-ին, ժամը 11:37-ին ահազանգ է ստացել, որ Հարթագյուղ գյուղի Սուրբ Հովհաննես մատուռի մոտակայքում քաղաքացին ընկել և վնասել է ոտքը․ անհրաժեշտ է փրկարարների օգնությունը։
Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի մեկ մարտական հաշվարկ:
Ըստ աղբյուրի՝ փրկարարները Ն. Ղ.-ին (ծնված 1951 թ․) պատգարակով (մոտ 200 մետր) իջեցրել և մոտեցրել են շտապօգնության ավտոմեքենային։