Օգոստոսի 3-ից սեպտեմբերի 30-ը փուլ առ փուլ միակողմանի փակ են լինելու Իսակովի պողոտայի որոշ հատվածներ
1 րոպեի ընթերցում
![Օգոստոսի 3-ից սեպտեմբերի 30-ը փուլ առ փուլ միակողմանի փակ են լինելու Իսակովի պողոտայի որոշ հատվածներ](http://armenpress.am/resized/480/storage/images/articles/2024/08/03/YBJDR0uOzgaeEXA3lTuDHqk88Tfu05nPsEJvkgxr.webp)
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ։ Ճանապարհաշինարարական աշխատանքներով պայմանավորված՝ օգոստոսի 3-ից մինչև սեպտեմբերի 30-ը ժամը 23:00-ից մինչև 07:00-ն փուլ առ փուլ միակողմանի փակ է լինելու Իսակովի պող.-Աթենքի փող. խաչմերուկից մինչև Աթենքի փող.-Ծիծեռնակաբերդի խճ. խաչմերուկն ընկած ճանապարհահատվածները, այնուհետև՝ հետադարձ: «Արմենպրես»-ի փոխանցմամբ՝ այս մասին հայտնում է Երևանի քաղաքապետարանը։
«Երթևեկությունը իրականացվելու է հանդիպակաց ուղղության երթևեկելի մեկ գոտու հաշվին:
Հորդորում ենք վարորդներին՝ աշխատանքի արդյունավետությունն ապահովելու համար փոխադրամիջոցները չկայանել վերոնշյալ ճանապարահատվածի երթևեկելի մասում:
Պատճառվող ժամանակավոր անհարմարությունների համար հայցում ենք քաղաքացիների ներողամտությունը»,- նշված է հաղորդագրության մեջ: